ﺠﺒﺮﺍ ﺋﻴﻞ

ﺍﺳﺮﺍﻔﻴﻞ

ﻣﻴﮐﺎﺋﻴﻞ

Науқас адам ұйықтар алдында сөз жазылған қағазды (төрт періштенің аты) бүктеп, оны кішкене мақтаға орап, одан кейін оны зәйтүн немесе зығыр майына салып, отқа өрте­ңіз. Бұдан шыққан түтінді ауру адамға иіскету керек. Таңер­тең күн шыққанға дейін Қасиетті Құранның 113 сүресі Фалақты дауыстап оқып, ыдыстағы суға дем салып, ауруға ашқарынға ішкізу керек. Ауру адам кемінде екі апта бойы тұзды пайдаланбауы шарт. Осы емдеу курсы біткенге дейін тұзды аз қабылдаған жөн. Күніне табиғи балдан 3 рет бір ас қасық қабылдап тұруы қажет.

Кері рухты күштерден сақтайтын тұмар

Осы тараудың бас жағында кері күштердің теріс әсерінен арылу туралы айтылған болатын. Енді осы ауруға шалдыққан адамға тағылатын тұмарды дайындау туралы айтып кетпекпіз. Тұмар дайындау үшін төменде келтірілген дұға сөздерін қағаз бетіне көшіріп жазыңыз.

Сосын қағазды бүктеп, оны целлофанға ораңыз. Науқас адам осы тұмарды мойынына тағып жүруі керек.

КЕКЕШТЕНУ, САҚАУЛАНУ

Кешке ұйықтар алдында айнаның алдында тұрып, өзіңіздің еріндеріңіздің қимылына қарап тұрып, төменде келтірілген дұға сөздерін 11 рет оқыңыз.

Уәхлул укдатам миллисани

Әрбір сөзді анық, бөліп-бөліп айтыңыз. Осы сөздерді айтып тұрып қолыңызға үшкіріп, бетіңізді 3 рет сипаңыз. Содан кейін бірден орныңызға барып жатыңыз. Бұны 90 күн бойына үзіліссіз жасау керек. Егер қандай да бір себептермен күндеріңізді жіберіп алсаңыз, оны міндетті түрде кейін өтеу шарт.

КӨЗ АУРУЛАРЫ

Көптеген көз аурулары асқазан ауруларынан, тұмаудың асқынуынан немесе шаң-тозаң, түтін немесе басқа да зиянды заттардан және аурудың сыртқы қоздырғыштарының әсерінен болады.

Ақшам соқыр

Бұл аурумен ауыратын адам түнде немесе қараңғыда көре алмайды. Аурудан айығу үшін 3300 рет

деп оқып, 250 г. пияз дәндеріне дем салу керек. Ауру осы дәннен күніне екі рет – таңертең және кешке қасықтың төрттен бір бөлігіне дейін қабылдап, артынан таза су ішіп тұрсын.

Көз жанарының әлсіреуі

Күн шығар алдында 3 рет

деп оқып, суы бар ыдысқа үшкіріңіз. Осы ыдыстан бір шыны су ішіңіз. Оң қолыңызбен ыдыстағы судан алып, сол көзіңізді сол суға батырыңыз. Су жылығанша, көзіңізді жыпылықтатыңыз. Бұл суды сосын гүлге немесе шөпке құйыңыз. Осылайша оң көзі­ңізді де емдеңіз. 90 күн емделуге кеңес беріледі. Алланың мейірімімен көзіңіздің жанары қалпына келеді.

Көз қантамырларының қабынуы

Бұл ауру ми талшықтарының қабынуы салдарынан пайда болады. Әрқайсысы 60 г түйір бұрыш пен қант алыңыз. Екеуін бірге ұнтап, біркелкі ұнтақ жасаңыз. Осы ұнтақтың 6 г-ын күн сайын кемінде 20 күн бір қасық сумен қосып беріңіз. Бұдан басқа қағазға

деп жазып, суға салыңыз.

Ауру адам сол суды ішуі керек. Бұны күн шығардан бұрын бір рет, түсте бір рет және ұйықтар алдында бір рет жасау керек. Ішпес бұрын 11 рет «Йа Хафиизу» деп оқып, суға үшкіріңіз, сосын 11 рет «Йа Шафии» деп оқып, тағы да суға үшкіріп, содан кейін 11 рет «Йа Кафии» деп оқып, суға үшкіру керек. Енді қағазға

(Арразаат ама нәбіл) деп жазыңыз. Суға салып ішіңіз.

Көздің қылилығы

Көздің қылилығын емдеу үшін ауру адам көзін жұмып, көздерін тура, бір-біріне параллель қалыпта тұратындай етіп ұстау керек. Қыли көзін матамен бостау байлаңыз. Көзді таңу немесе таңғышты ауыстыру қараңғыда жүргізілгені дұрыс. Көзді таңу барысында қыли көздің алмасы ортада тұратындай болуы керек. Бұл ауру 21 күн ішінде толығымен жазылып кетеді.

Көздің өзекті жарасы

Көздің сілекейлі қабығындағы іріңді жара өзекті жара деп аталады. Емделу үшін 0,5 г бұршақ (бір немесе екі дән) алыңыз да, оны су қоса отырып, пастаға айналғанша жұмыр таспен ұнтақтаңыз. Бұршақты таспен ұнтақтамас бұрын бір рет «Аллаху нуруссамауати уалард» деп оқып, суға, тасқа және бұршаққа үшкіріңіз. Осы пастаны қорғасын қалақшамен ауру көзге жағыңыз. Бұны бірнеше күн бойы күніне екі рет жасау керек.

Көздің шаршауы

Көзіңіз жұмыс бабында шаршағанда су дайындаңыз. Дәрет алып, ағаш орындыққа жүзіңізді құбылаға беріп отырыңыз. Құранның 52-Тұр сүресінің 31-аятын дауыстап 100 рет оқыңыз:

Бисмиллахир рахманиар рахим Кул тараббасу фаинни маакум миналмута раббисийнна

Содан кейін суға үшкіріңіз. Сол суды науқас адамның әр көзіне тамызғышпен 3 тамшыдан тамызыңыз. Ем кезінде тамаққа қызыл бұрыш қолданбаңыз.

Көз шелі

Бұл ауруда көзді шел басып, көру нашарлайды. Аурудың негізгі себебі – алдымен миға, сосын көзге әсер ететін газдың бір түрінің әсерінен болады. Осы газдың салдарынан көзді жауып тұратын қабық пайда болады. Аурудан жазылу үшін таттанбайтын құрыштан жасалған ыдыс және жаңа пышақ алыңыз. Ыдысқа 284 мл тазартылған немесе қайнаған су құйыңыз. Қолыңызды жуып, аузыңызды шайыңыз. 3 рет

деп оқыңыз.

Суға бір рет, пышаққа бір рет дем салыңыз. Бір минуттың ішінде суға пышақпен Х белгісінің суретін салыңыз, басқаша айт­қанда, пышақпен «Х» әрпін салыңыз. Жоғарыда жазылған сөздер­ді тағы да қайталаңыз, суға және пышаққа үшкіріңіз де бір минуттың ішінде пышақпен Х белгісінің суретін салыңыз. Бұны үшінші рет қайталаңыз. Содан кейін ауруға күн батқан­нан бастап осы суды 57 мл-ден әр төрт сағат сайын беру керек. Бұны ауру толық жазылып кеткенге дейін ішкізу керек.

Көзді шел басу (Катаракта) және глаукома

11 рет

деп айтып, бас бармақтан басқа сегіз саусақтың ұштарын түйістіріп, көз үстімен мұрыннан құлаққа қарай жүргізіңіз. Бұны әр намаздан кейін, яғни күніне 5 рет жасау керек.

Теріскен

Бір рет «Лә тудрикуһу алабсару уәһуа юдрикулабсара» деп оқып, оң қолыңыздың сұқ саусағына үшкіріңіз, сосын оны түкірігіңізбен сулап, көзіңіздегі жараның үстінен сипаңыз. Бұны бірнеше күн бойы бірнеше рет жасау керек.